Ek is moeg vir die verskoning dat ons mense magteloos voel en daarom niks doen nie!
In 1992 was die boere kwaad oor een of ander bepaling oor die
mielieprys (of so iets) en het Pretoria tot stilstand gebring met hul
bakkies en trekkers en hul sin gekry. Nou word ons mense letterlik
afgemaai en ons kry nie eers 500 mense om op te staan teen dit nie. Geen
gesmeek en gesoebat by die boere kry hulle om tot aksie oor te gaan
nie. Ons moet iets doen wat internasionaal aandag trek. Ons stilswye
laat die buiteland dink ons is heel tevrede met die situasie. Ek praat
gereeld met mense in die buiteland en hulle kannie glo dat ons nie saam
staan en in opstand kom hieroor nie.
Verledejaar is 'n Ierse
vrou in Melbourne vermoor. Die hele stad het tot stilstand gekom en 30
000 mense was die volgende dag in die strate met 'n protesoptog. Hulle
het 'n nagwaak gehou.
http://www.youtube.com/watch?v=8TmrgERGhE8
In Perth in Australie het 'n dronkbestuurder 'n kind in sy huis
doodgery. Die volgende dag was daar 'n nagwaak oor die voorval waar
mense aangedring het dat die skuldige toegesluit word.
http://www.youtube.com/watch?v=WyhvskfqArc
In Boston is 3 mense dood in 'n bomontploffing en die hele stad is tot stilstad gebring totdat die skuldiges gevang was.
In Pretoria alleen woon 500 000 blanke, Afrikaanssprekende mense. As
die Bulle speel is 70 000 van hulle op Loftus. As 4000 boere vermoor
word en Afriforum reel 'n optog, is daar 300 mense... Dit het niks met
magteloosheid te doen nie! Dit is pleinweg onbetrokkenheid en 'n kultuur
van veg op jou sleutelbord met jou bier in die hand en jou TV op
Supersport. As ons nie met ons self gaan eerlik wees hieroor nie, gaan
ons verseker niks bereik nie.
No comments:
Post a Comment