Bewerings
ontken oor rookkamer van R2,4 milj.
Durban – Die
gesondheidsdepartement in KwaZulu-Natal het Dinsdag bewerings ontken dat hy tot
R2,4 miljoen bestee het op die opgradering van 'n rookkamer.
Sam Mkhwanazi,
woordvoerder, het gesê berigte oor dié aangeleentheid is nie korrek nie.
Hy het gesê die geld is gebruik vir
'n nuwe registrasiekantoor."Die projek het die verwydering van interne
afskortings en vloerteëls behels, sowel as die opgradering van meganiese en
elektriese installasies, insluitend lugversorging."Die werk het ook die
opstel van die kantoor, die opgradering van toiletgeriewe, nuwe toonbake, nuwe
mobiele rakke en toegangsbeheer ingesluit," het Mkhwanazi verduidelik.Mark
Steele, woordvoerder vir die DA, het vroeër gesê sy party het 'n vraag ingedien
by die LUR vir gesondheid, Sibongiseni Dhlomo, om te vra waarom die departement
sowat R2,4 miljoen spandeer het op 'n rookkamer by sy Natalia-kantoorgebou in
Pietermaritzburg.
Steele het gesê
die inligting was ingesluit by 'n verslag oor infrastruktuurprojekte wat op 18
April aan lede van die portefeuljekomitee oor gesondheid voorgelê is.
No comments:
Post a Comment