Kaapse
leerkragte ruk op na parlement
KAAPSTAD. – Duisende Wes-Kaapse leerders sal vandag sonder ’n onderwyser in
die klas wees wanneer lede van die onderwysvakbond Sadou na die parlement
opruk.“Die optog is wettig,” het Sadou se provinsiale sekretaris, Jonavon
Rustin, gesê. “Onderwysers het reeds bespreek hoe om die verlore skoolwerk in
te haal.”Die optog sal om 11:00 buite die Kaapse Skiereiland Universiteit van
Tegnologie in die Keizersgracht begin en in Darlingstraat af na die parlement
beweeg. ’n Memorandum sal aan ’n verteenwoordiger van die parlement asook die
Wes-Kaapse onderwysdepartement (WKOD) oorhandig word.Lede van Cosatu sal ook
aan die optog deelneem en ’n beroep is op hoërskoolleerders gedoen om by die
optog aan te sluit.Daar is sowat 13 000 Sadou-lede in die Wes-Kaap, met die
grootste takke in Khayelitsha (1 600 lede), Nyanga (800 lede) en Mitchells
Plain (600 lede).Die optog word onder meer gehou om die publiek se aandag te
vestig op Sadou se versoek dat die minister van basiese onderwys, Angie
Motshekga, en die direkteur-generaal van onderwys, Bobby Soobrayan, moet
bedank. Sadou is ontevrede omdat Motshekga en Soobrayan nie ’n ooreenkoms oor
vergoeding vir die nasieners van antwoordstelle nakom nie.
Die WKOD het ’n beroep op alle leerders gedoen om skool toe te gaan.
No comments:
Post a Comment