Zuma regering en die SAR rebelle
Die nuwe
regeerders van die Sentraal-Afrika Republiek is rebelle wat ’n staatsgreep
uitgeoefen het, en dit is genoeg rede om nie erkenning aan hulle te gee nie en
geen ooreenkomste met hulle aan te gaan nie. Dit is absurd om nou ’n
rebelle-oorgangsregering te erken.
Dít is die siening van Helmoed Heitman, ’n
militêre kenner, na aanleiding van die SAR se eerste minister, Nicolas
Tiangaye, se besoek aan pres. Jacob Zuma.Tiangaye is volgens Mac Maharaj, deur
die rebelleleier (nou staatshoof van SAR), Michel Djotodia, gestuur om die
naweek met Zuma te kom vrede maak.Die dekmantel vir die besoek was om
betrekkinge tussen Suid-Afrika en die SAR te suiwer, maar Heitman meen deur
erkenning aan die rebelle te gee, bevestig dit weer eens dat rebelleregerings
vir Afrika aanvaarbaar is.Waarnemers meen dat Heitman gedeeltelik reg is in sy
mening, maar dat in ag geneem moet word dat die moontlikheid bestaan dat die
rebelle uiteindelik daarin mag slaag om die SAR te stabiliseer, demokratiese
verkiesings te hou en daardeur geloofwaardigheid onder die burgery te
vestig.Volgens Heitman raak die situasie in dié land by die dag meer kompleks
en Suid-Afrika sal mooi moet dink voordat hy verder daar betrokke raak.Dit staan in kontras met wat pres. Zuma wou doen. Hy was op ’n stadium bereid om die slaankrag van die weermag te gaamn toets in die land, en het miljoene Rand vermors om wapentuig aldaar te ontplooi, om later weer voet in die wind te slaan sonder om een skoot te skiet.
No comments:
Post a Comment